ААТ «АЛЕВКУРП» было створана 24 верасня 1996 года як навукова-вытворчае рэспубліканскае унітарнае прадпрыемства, а ў 2010 годзе пераўтворана ў адкрытае акцыянернае таварыства. З 2007-га прадпрыемства ўваходзіць у сістэму Дзяржаўнага ваенна-прамысловага камітэта Рэспублікі Беларусь. Прадпрыемства спецыялізуецца на выкананні НДВКП па распрацоўцы і мадэрнізацыі, а таксама па стварэнні новых радыёлакацыйных сістэм, найноўшых тэхналогій лічбавай апрацоўкі сігналаў і інфармацыі ў рэальным маштабе часу, а таксама тэхнікі ЗВЧ і прамежкавай частаты. У 2005 годзе ўдастоена першай Нацыянальнай прэміі Расіі «Залатая ідэя». У 2007 годзе прадпрыемства ўдастоена прэміі «Залатая Зорка» ад Фонду «Крэмль» пры Адміністрацыі Прэзідэнта Расійскай Федэрацыі. У цяперашні час геаграфія паставак прадпрыемства ахоплівае Афрыку, Паўднёва-Усходнюю Азію, Лацінскую Амерыку.
ААТ «АЛЕВКУРП» створана 24 верасня 1996 г. па распараджэнні Прэзідэнта Рэспублікі Беларусь ад 17.07.1996 № 212рп. Указам Прэзідэнта Рэспублікі Беларусь № 613 ад 13.10.2006 прадпрыемства перададзена ў вядзенне Дзяржкамваенпрама.
У цяперашні час прадпрыемства валодае высокакваліфікаванымі навуковымі і інжынерна-канструктарскімі кадрамі, якія маюць вопыт стварэння і мадэрнізацыі радыёлакацыйнай тэхнікі з выкарыстаннем найноўшых тэхналогій лічбавай апрацоўкі радыёлакацыйных сігналаў у рэальным маштабе часу.
Напрамкі дзейнасці
- Глыбокая мадэрнізацыя спецыяльнай тэхнікі.
- Распрацоўка паўактыўнай РЛС агляду.
- Распрацоўка і серыйная вытворчасць радыёэлектронных блокаў і сістэм.
- Выкананне навукова-даследчых работ па радыётэхніцы.
- Iнжынірынгавыя паслугі.
